Bydd y Ganolfan Gymunedol a Chelfyddydau yn le i gyfarfod i gael hwyl a dysgu.

Cyn y gwaith adnewyddu roedd y ganolfan eisioes wedi cael ei defnyddio ar gyfer dosbarthiadau celf, gweithdai, cerddoriaeth, cyfarfodydd a digwyddiadau cymdeithasol, diwrnodau agored, diwrnodau hyfforddi, gweithdai adeiladu gallu, arddangosfeydd celf, arddangosfeydd hanes y gymdeithas leol a digwyddiadau canu, gyda hynny oll yn gweithio mewn partneriaeth gyda Paddlers Llandysul.

Fel gwnaeth un person lleol ddweud, sydd bellach yn ddarlunydd adnabyddus, “cychwynodd y cyfan mewn canolfan dysgu gydol oes nes fynychu ar ôl ymddeol. Roedd y dosbarh celf ar fore dydd Mawrth wedi rhoi bywyd newydd i mi ac fe nes ddarganfod sciliau nag o ni’ngwybod fod gen i”

Dyma felly yw gweledigaeth y Pwerdy, i ddatblygu fel Canolfan darparu cyfleoedd creadigol ar gyfer cwricwlwm amgen, i roi cyfle i bawb yn y gymuned i gael mynediad i ddysgu a chynhwysiant cymdeithasol bydd yn cwmpasu ac yn cynnwys anghenion pawb. Bydd hynny yn cyrraedd nodau ac amcanion y Pwerdy a dyna oedd bwriad y grwp ymroddedig o wirfoddolwyr sydd wedi gweithio gyda’i gilydd am 10 mlynedd i ddod a’r adeilad yn ol i ddefnydd ar gyfer y gymuned.

Mae swydd newydd wedi ei greu ar gyfer Swyddog Prosiect yn y Pwerdy ac mae Hazel Thomas wedi cael ei phenodi ar y 15fed. Mawrth 2010.